Aktorja Teuta Krasniqi ka qenë e ftuara e radhës në “Ky emër nuk ka nevojë për prezantim” në RTV Dukagjini.

Në këtë intervistë, Teuta ka folur me letra të hapura si për jetën private ashtu edhe për atë profesionale.

Në rrëfimin për familje, Krasniqi u deklarua se edhe pse nuk e kishte menduar vite më parë një martesë të dytë, tashmë me lumturinë që ndjen, ka në plan edhe një dasmë.

Bëhet fjalë për një event më privat, por që do të realizohet pas disa vitesh përkatësisht është menduar në shënimin e 10 vjetorit të lidhjes me Adonisin.

Çifti përpos kësaj, po mendon të shtojë familjen edhe me një fëmijë tjetër.

Krasniqi ka shprehur dëshirën për një djalë, por që do të ishte tejet e lumtur edhe nëse bekohet me një vajzë.