Prokuroria Themelore në Pejë ia ka huqur me kërkesën për zgjatjen e paraburgimit ndaj të dyshuarve për rastin e ‘Fajdeve’. Ka kërkuar zgjatje të paraburgimit ndaj një personi të lirë dhe atë në arrati.

Bëhet fjalë për Rexhep Elshanin, të cilit nuk iu është caktuar më parë masa e paraburgimit, Besnik Lajqit i cili vazhdon të jetë i pakapshëm nga Policia e Kosovës.

Përveç tyre, Prokuroria ka kërkuar shtyrjen e masës së paraburgimit edhe ndaj Valon Kastratit, Gani Kelmendit, Kismet Krasniqit, Isa Camajt, Sokol Dembogajt, Gëzim Imerit, Enver Dreshajt, Driton Podrimçaku, Fadil Zhabollajt, Tafil Alimusajt, Astrit Grabovcit, Petrit Kastatit, Alush Bajraktarajt, Labinot Elshanit, Shaip Mehmetajt, Orhan Lukajt, Sylë Jusajt, Astrit Kastratit e Besnik Mehmetajt.

Dy javë më parë InDoks kishte sjell detaje ekskluzive nga dosja mbi Fajdexhinjtë e Pejës.

Ka raportuar se kush janë ata? Për çka dyshohen? Çfarë pronash u listuan që të iu bllokohen? Lidhjet e tyre me biznesin e politikën.

Nga dosja e Prokurorisë që deri tash është deponuar në Gjykatë InDoks merr vesh që të arrestuar ose edhe nën hetimet janë: Kismet Krasniqi, i njohur më herët si Isë Alimusja, Isa Camaj, Sokol Dembogaj, Enver Dreshaj, rreshter në Policinë e Kosovës, Besnik Mehmetaj, Besnik Lajqi (ndodhet në arrati), Driton Podrimqaku, Fadil Zhabollaj, Tafil Alikusaj, Astrit Grabovci, Petrit Kastrati, Valon Kastrati, Alush Bajraktaraj, Rexhep Elshani, Labinot Elshani, Shaip Mehmetaj, Orhan Lukaj, Sylë Jusaj, Gëzim Imeri , Astrit Kastrati e Asian Regjaj.

Vetëm disa sa prej tyreve iu ishte caktuar masa e paraburgimit prej një muaj.

Ndërkohë, me 2 mars Prokuroria Themelore në Pejë mbajti seancën për ngrirjen e aseteve. Në ditën e aksionit Prokuroria bëri me dije se gjatë aksionit për fajde janë arrestuar 17 persona si dhe janë ngrirë pasuri që tejkalojnë shumën prej 5 milionë euro./GazetaInsajderi

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”