Prokuroria Themelore në Prishtinë ka ngritur aktakuzë ndaj personit që kërcënoi gazetarin e RTK’së Alban Selimit.

Insajderi kishte raportuar se i dyshuari është Arsim Limanit, ndaj të cilit prokuroria ka konfirmuar për Gazetën se i është ngritur aktakuzë në drejtim të veprës penale “Vrasje e rëndë në tentativë”.

“Rastit të cilit i referoheni, ju njoftojmë se Prokuroria Themelore në Prishtinë, ka ngritur aktakuzë ndaj personit me inicialet A.L., në drejtim të veprës penale “Vrasje e rëndë në tentativë”, sipas KPRK-së” ka thënë zëdhënësja e Prokurorisë, Laureta Ulaj.