Kreu i shtetit, Albin Kurti ka njoftuar sot se ka qëndruar për vizitë në veri të Kosovës. Ai bashkë me ministrin e Brendshëm, Xhelal Sveçla, kanë vizituar njësitet e policisë së Kosovës tek Kroi i Vitakut.
Ata kanë qëndruar edhe në kampin “Belvedere”.
Me rastin e festës së Kurban Bajramit, kryeministri u ka dërguar policëve edhe bakllava.
“Bakllava e ëmbëlsira për policët tanë në veri të vendit. Bashkë me Ministrin e Punëve të Brendshme, Xhelal Sveçla dhe zëvendësin e tij, Blerim Gashani, vizituam njësitet tona te Kroi i Vitakut. Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim. Diskutimin e vazhduam edhe në qendrën “Belvedere””, ka shkruar Kurti në Facebook.