Lëvizja Vetëvendosje sot e ka mbajtur mbledhjen e parë të Këshillit të Përgjithshëm të organizatës Rinia për Vetëvendosje.

Për të folur para të rinjve ishte edhe lideri i partisë, Albin Kurti. Në mesin e shumë gjërave që i tha, ai gjeti një hapësirë për t’i kritikuar ata.

“Pjesëmarrja e të rinjve në politikë nuk është thjeshtë e karakterit elektoral ku votohet, e madje nuk është më as thjeshtë e pjesëmarrjes në ndonjë punë vullnetare, fushatë vetëdijesimi, apo aktiviteti politik e publik”, tha Kurti, shkruan Gazeta Insajderi.

Fjalën e pati që ata të jenë më aktiv në rrjetet sociale, jo vetëm të tyre, por edhe të partisë.

“Këto janë të pazëvendësueshme, por ajo që është e re ka të bëjë me diçka që ka ndikim shumë të madh në formësimin e të rinjve, jo vetëm për atë se cka mendojmë e themi, por edhe për atë qysh e pse mendojmë. E kam fjalën hapësirat virtuale, rrjetet sociale ku tashmë ekziston një zonë tjetër e komunikimit dhe angazhimit politik ku të rinjtë krijojnë përmbajtje dhe e shpërndajnë atë në formë të organizuar”, vazhdoi Kurti fjalimin.

“Të rinjtë e Lëvizjes tonë duhet të synojnë të jenë sa më aktiv në këtë zonë duke shpërndarë materialet tona por edhe duke provuar krijimin, përkatësisht zgjatimin e atyre materialeve përmes tekstit apo formave të tjera audiovizuale si mënyrë shumë e përshtatshme për diskutim me qytetarët dhe për mendim kritik e emancipim të përgjithshëm”, i qortoi Kurti të rinjtë e VV-së, shkruan Gazeta Insajderi.

Lexo edhe: