Përmbyllet edicioni i parë i PriDox – java e filmit dokumentar të metrazhit të gjatë, me projeksionin e mbrëmshëm të filmit ‘My worst enemy’. Juria, në përbërje: Zana Hoxha – regjisore, Kushtrim Koliqi – regjisor dhe Agnes Nokshiqi aktore, nga 5 filmat që ishin në konkurencë zyrtare zgjodhi filmin fitues, e ai është filmi:
PAVED PARADISE nga regjisori Karsten de Vreugdt dhe producentja Jolijn van Rinsum.
Për filmin fitues, juria deklaroi: “Filmi ‘Paved Paradise’ është edukativ nga një perspektivë tjeter dhe pak të njohur. Gjithashtu në aspektin teknik një realizim i arrirë dhe në te njejtën kohe edhe shumë argëtues që e bën audiencën për vete.”
PriFest falenderon Ministrinë e Kulturës, Bankën Raiffaisen dhe Kino Armata.
PriFest vazhdon me aktivitetin vjetor, me edicionin e 15-të në datat 12-17 shtator.