Klubi i basketbollit Sigal Prishtina, ka fituar ndeshjen e vlefshme për Ballkan ligë ndaj Levskit, me rezultat të thellë 89:66.

Pas fitores ndaj Pejës të Dielën në mbrëmje, djemtë e Constantinides nuk e kanë ndalur hapin duke fituar edhe ndeshjen ndaj Levskit, madje bindshëm në rezultat.

Dardan Berisha u rikthye në formën e tij më të mirë, duke shënuar 23 pikë në këtë takim, me çka u shpall lojtari më i mirë i ndeshjes së sotme.

Prishtina prin në grupin D të Ligës Ballkanike me dy fitore në po aq takime.