Policia e Kosovës në pikën kufitare në Jarinje ka konfiskuar 4 mijë fishekë nga një shtetas serb, që më pas është dërguar në mbajtje.
I pari i MPB-së tha se serbi qe punëtor i integruar nga strukturat paralele ne Ministrinë e Mjedisit, Planifikimi Hapësinor dhe të Infrastrukturës.
“4 mijë fishekë i konfiskuam. Pra, edhe një aksion tjetër shumë i suksesshëm e i rëndësishëm për forcimin e sovranitetit të vendit tonë”.
“Në pikën kufitare në Jarinje, Policia e Republikës së Kosovës ndaloi një të dyshuar me shtetësi serbe, punëtor i integruar nga strukturat paralele në Ministrinë e Mjedisit, Planifikimit Hapësinor dhe të Infrastrukturës. I dyshuari është dërguar në mbajtje. Përgëzime Policisë së vendit tonë për punën e madhe dhe për profesionalizmin e tyre të lartë”, tha Sveçla.