Djegia e veturës së Drejtorit të Njësisë së Auditimit të Brendshëm të ShSKUK-së, Musa Vitija, bëri që kryeministri Kurti të vizitojë me mëngjes ShSKUK-në, nga ku doli me konstatim se dy kompani kanë dështuar ta kryejnë punën e tyre.
Njëra prej kompanive të përmendura nga Kurti është në pronësi të djalit të vëllait të ish-deputetit të PDK-së, Sami Lushtaku, i cili ka folur për Gazetën Insajderi në lidhje me denoncimin e kompanisë ku ai është bashkëpronar.
Ponari i kompanisë “Security Code”, Milazim Lushtaku tha se Kurti e përmendi firmën e tij “për arsye politike”.
“Përmendja e Kurtit, ma shumë është nga ana politike, se për anën profesionale”- tha Lushtaku.
Derisa, shtoi se sa i përket kompanisë së sigurim ata i janë përgjigjur kontratës, duke shtuar se tash me rastin merret policia.
“Sa i përket kompanisë si sigurim aty, na i kemi përgjigj kontratës.. Ne jemi në rregull, tash merret policia” – nënvizoi ai.
Sipas kryeministrit Kurti, “Security Code”, përgjegjëse për sigurimin fizik dhe “Quantic”, përgjegjëse për mbikëqyrjen e kamerave kanë dështuar në kryerjen e punës së tyre.
E para, sepse për herë të dytë nuk ka arritur të ofroëj sigurinë e veturës së z. Vitija, kurse tjetra edhe pas dy jave nuk ka arritur t’i rikthej në funksion kamerat e sigurisë të cilat janë të dëmtuara nga “vetëtima””.
Ndryshe, nënkryetari i Komunës së Skenderajt Sami Lushtaku konsideron se kryeministri Albin Kurti ka inat personal me të.