Dy deputetet e Kuvendit të Kosovës nga radhët e PDK’së, Blerta Deliu dhe Floretë Zejnullahu, kanë vendosur pankarta në foltoren e Kuvendit me mbishkrimin “Zdravo” që në shqip do të thotë “Përshëndetje”.

Ky aksion simbolik ka ardhur pasi këto ditë janë publikuar disa audio-incizime të një bisede mes shefes së Grupit Parlamentar të Lëvizjes Vetëvendosje, Mimoza Kusari-Lila si dhe Sllavko Simiqit nga Lista Serbe.

Opozita po akuzon Qeverinë Kurti se është koordinuar me Listën Serbe në projektligjet e ndryshme në Kuvend.