Mbrëmë rreth orës 22:00 ka ndodhur një vetaksident i rëndë në afërsi të fshatit Gojbulë të Vushtrrisë në rrugën transitore për Mitrovicë, ku kanë vdekur dy të rinj.
Rastin e ka konfirmuar zëdhënësi i Policisë, Avni Zahiti.
Policia thotë se sipas informatave të para, njëri nga personat ka humbur jetën në vendin e ngjarjes ndërsa personi tjetër është transportuar në spitalin e Vushtrrisë, ku si pasojë e lëndimeve të pësuara ka humbur jetën.
Mosha e viktimave është mes 19 dhe 17 vjeç.
Me urdhër të prokurorit, trupat e pajetë të viktimave dërgohen për obduksion në Institutin e Mjekësisë Ligjore në Prishtinë.