Wout Weghorst, sulmuesi i Manchester United, të dielën para ndeshjes Liverpool preku stemën legjendare “This is Anfield“, (Ky është Anfield) siç e kanë zakon të bëjnë lojtarët e Liverpool, kur hyjnë në fushë.

I kritikuar rëndë nga tifozët e United në rrjetet sociale, ku e akuzuan atë për mosrespektim serioz të klubit të tyre, Weghorst shpjegoi arsyen.

“Unë jam plotësisht i përkushtuar ndaj Manchester United dhe nëse prek posterin, është për të tallur Virgil van Dijk”, pohoi sulmuesi.

Ndërkohë, Van Dijk luan me Weghorst te Holanda.

Megjithatë në vitin 2018, Weghorst la të kuptohej se ëndërronte që një ditë të luante për Liverpool-in.