Shkruan: - Njomza Kosumi

Deputeti i Partisë Demokratike të Kosovës (PDK), Hisen Berisha tha se 15 janari është dita e përkujtimit për viktimat e masakrës së Reçakut dhe dështimi i drejtësisë ndërkombëtare, shkruan Insajderi.

Berisha ka thënë se krimet në Reçak janë nga provat e argumentuara për krimet e ushtrisë serbe gjatë luftës në Kosovë.

“Reçaku, vrasja më masakrimin e civilëve është vepër e ndaluar dhe nga e drejta ndërkombëtare humanitare, gjykohet si krime lufte. Reçaku është njëri nga provat e argumentuara për krimet e ushtrisë serbe në historikun e luftërave shqiptaro-serbe. 15 janari ’24 është dita e përkujtimit për viktimat e kësaj masakre si dhe dita e dështimit të drejtësisë ndërkombëtare për të burgosur e dënuar kirminelët serb!”, tha ai.

Madje, deputeti i PDK-së shprehet i bindur se në  qeverinë e cila do të vijë pas zgjedhjeve të ardhshme do të vë në lëvizje drejtësinë vendore e ndërkombëtare.

“Qeveria e cila do të vjen pas zgjedhjeve të ardhshme do të vë në lëvizje drejtësinë vendore e ndërkombëtare, për ta dënuar ecilin krim, edhe ato që kryen ushtria e mvbretërisë serbe, “ushtria e Titos (masakrën e Tivarit) dhe ushtria e Millosheviçit për masakrat e fundit, të dënohen nga drejtësia e Kosovësdhe Tribunali i Hagës! Krimet e padënuara mohohen si krime edhe përsëriten pafundësishtë. Nuk mund të ndërtohet paqe, pa u vendosur drejtësi. Lavdi martirëve të masakruar! I përjetshëm kujtimi për jetën e tyre!”, transmetoi Berisha.