Periudha e zisë për familjen mbretërore britanike ka përfunduar, tashmë Mbreti Charles dhe bashkëshortja e tij, Camilla, janë rikthyer në detyrat e tyre.

Ditën e sotme, në llogaritë zyrtare të familjes mbretërore në rrjetet sociale, Twitter dhe Instagram u postuan një foto të çiftit mbretëror si foto profili nga një ngjarje e vitit 2020.

Gjithashtu u postua një portret i mrekullueshëm i Mbretëreshës së ndjerë Elizabeth i shoqëruar me fjalët e mëposhtme: “Periudha e zisë mbretërore pas vdekjes së monarkes ka përfunduar”. Ky tregim do të vazhdojë të pasqyrojë punën e mbretit, bashkëshortes së tij dhe anëtarëve të tjerë të familjes mbretërore, si dhe të kujtojë momente nga jeta dhe vepra e Mbretëreshës Elizabeth.”

Ndërsa zija mbretërore zgjati, anëtarët e familjes mbretërore u shfaqën vetëm për detyrat e nevojshme dhe sigurisht që të gjithë ishin të veshur me të zeza. Nga sot, e martë, 27 shtator, ata tashmë po i kthehen përditshmërisë, pas një jave zie.