×
  • Lajme
  • Botë
  • Lajme / Botë

    Rusia hedh raketa mbi Kievin dhe rajonet lindore e jugore të Ukrainës

    Insajderi
    11 November 2023 - 23:28

    Rusia e ka sulmuar me raketa kryeqytetin e Ukrainës, Kiev, si dhe rajonet e afërta të tij për herë të parë pas një pauze pothuajse dymujore të shtunën, thanë zyrtarët ukrainas.

    Po ashtu, forcat ruse i vazhduan sulmet me dronë në lindje dhe jug të Ukrainës, shkruan REL.

    Serhiy Popko, kreu i administratës ushtarake të qytetit Kiev, tha se Rusia e sulmoi kryeqytetin me një raketë balistike rreth orës 8:00 mëngjesin e së shtunës.

    “Pas një pauze të gjatë prej 52 ditëve, armiku i ka rinisur sulmet raketore në Kiev”, tha Popjo në Telegram të shtunën.

    “Raketa dështoi të arrijë në Kiev, mbrojtja ajrore e rrëzoi atë sapo iu afrua kryeqytetit”, shtoi ai.

    Popko tha se sulmi nuk shkaktoi viktima apo dëme të mëdha në kryeqytet.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark